Premios Ben Veñas Maio

 O sábado, 10 de maio, celebrouse no Pazo da Cultura de Pontevedra a gala de entrega de premios do Ben Veñas Maio, certame anual que conmemora o Día das Letras Galegas e organizado polo Concello de Pontevedra e a Coordinadora de Normalización Lingüística do Concello para todos os centros públicos da cidade de Pontevedra.

  Un ano máis que participa o IES A Xunqueira II, un ano máis que temos gañadoras e gañadores!!! Parabéns!!!! Sodes moi grandes, e artistas fantásticos!!! A seguir colleitando éxitos e que a rapazada que chega detrás siga os vosos pasos! FELICIDADES!!!

XXIV CERTAME DE POESÍA BVM:

 2º premio na categoría A para "Anécdotas desde a mirilla", por Alicia (3ºESO)

1ºpremio na categoría B para "Falamos baixiño", por María (4ºESO)

2ºpremio na categoría B para "Alén das guerras", por Breixo (2ºBach)

 

XXXII CERTAME DE NARRACIÓN CURTA BVM:

1º premio na categoría A para "As agullas do destino", por Sara (3ºESO)

2º premio na categoría A para "O legado sombrío", por José (3ºESO)

1º premio na categoría B para "O fío do tempo", por María (4ºESO)

 

XXIV CERTAME DE FOTOGRAFÍA BVM

1º premio para María (4ºESO)

2º premio para Joyce (1ºESO)

 

IX CERTAME DE CURTAMETRAXE BVM

2º premio para "Avaricia mortal", por José, Sara, Julia e Alicia (3ºESO)

 

XXIV CERTAME MUSICAL BVM

1º premio para Meigas, grupo formado por Sara e Julia (3ºESO)

 

 

 

 

 

 

OBRADOIRO DE REGUEIFAS

 Un ano máis, grazas á aportación do Concello de Pontevedra dende a área de Normalización Lingüística, o alumnado de 1º ESO aprende a arte de regueifar, ou mesmo se actualiza!

 Da man de Josinho da Teixeira, Lupe Blanco e Nuria Pernas as nenas e nenos de 1ºESO regueifaron versos creados por si. Momentos de diversión e concentración que lograron que esta cativada obtivera uns bos resultados artísticos. PARABÉNS!! 

Podes ver algunha das fotos neste vídeo

CantaMÓLA en Galego

 

Entre os días 25 de xaneiro e 10 de febreiro, tedes na entrada do noso centro a exposición CantáMOLA en galego, unha exposición transmedia que celebra a revolución musical no século XXI na Galiza. Esta foi elaborada polo Concello de Pontevedra, a través do Servizo de Normalización Lingüística, a quen lle agradecemos o seu empréstimo.

 A través dela podedes coñecer e afondar sobre as nosas músicas ao longo deste tempo, a súa evolución e os distintos grupos e solistas que forman parte do noso panorama musical. Non só temos música de raíz, senón tamén doutros estilos: pop, rock, bravú... Artistas como as Tanxugueiras, Guadi Galego, The Homens, Sés, Terbutalina, Xabier Díaz, Davide Salvado, Dakidarría, Mercedes Peón... poderás escoitalos no Spotify ou na canle de Youtube baixo o nome de CantáMOLA.

  Agardamos que a desfrutedes e vos anime a continuar escoitando a nosa música.

 

OBRADOIRO MICOLÓXICO

 Este mes de novembro, o alumnado de 1ºESO desprazouse xunto co profesorado de Bioloxía e persoal da asociación micolóxica Brincabois, ao exterior para procurar todos os cogumelos que atopasen e posteriormente poder clasificalos e analizalos. Moito se aprendeu deles e, sobre todo, coa lección impartida polos profesionais. Posteriormente a unha breve exposición na entrada do noso centro, foron devoltos ao seu hábitat para que os mesmos fungos se descompoñan polos organismos descompoñedores, tipo insectos, lesmas e outros animaliños e tamén para que desprendan as esporas que queden neles para dar lugar a outros.

Esta actividade foi dirixida polo Equipo de Dinamización e o Servizo de Normalización do Concello de Pontevedra, e coordinada polo Departamento de Bioloxía.

 

APRENDEMOS A REGUEIFAR

Os cursos de 2ºESO aprenderon a regueifar da man de profesionais deste xeito de lidar entre as amizades. Unha hora e media de diversión e cante ben rimado, onde aprendemos e rematamos ben contentos e encantados con esta xentiña que tanto sabía.

Agora tan só falta que algúns dos rapaces e rapazas que alí improvisaron continúen coa vocación.

Ademais, alumnado de Literatura Galega do s.XX viñeron regueifar tamén con estes grupos. Moi ben feito!

OBRADOIRO CULTURA POP con @Olaxonmario

 Durante a mañá do día 18 de novembro, Mario Brión, máis coñecido no mundo youtubeiro como @Olaxonmario, estivo no noso instituto a falar co alumnado de 4ºESO sobre o mundo da cultura Pop en Galiza. Descubrimos voces novas no mundo musical e das redes sociais, ademais doutras xa vellas. 

Agradecémoslle a súa presenza e exposición tan amena. Tamén, grazas ao Servizo de Normalización do Concello de Pontevedra por brindarnos a oportunidade de telo connosco un ano máis. 

 

 

PREMIOS Certame Ben Veñas Maio

 O xurado do Certame Ben Veñas Maio vén de fallar os premios nas distintas categorías convocadas nesta edición: III Certame de Videoclips musicais, V Certame de curtamentraxes, XX Certame de fotografía, XXVIII certame de banda deseñada, XXVIII Certame de narración curta e o XX Certame de poesía. 

Velaquí a relación de premiados e premiadas, onde se encontran dúas alumnas do noso centro, Clara Fariña e Sofía Filgueira:

III Certame de videoclips musicais:
• Primeiro premio: Clara Fariña Castro. IES Xunqueira II

V Certame de curtametraxes:
• Primeiro premio: Alicia Dopazo Cendón. IES Valle Inclán

XX Certame de fotografía:
• Primeiro premio: Carme Munaiz Canosa. IES Sánchez Cantón
• Segundo premio: Carolina Munaiz Canosa. IES Sánchez Cantón

XXVIII Certame de banda deseñada:
• Categoría A: deserto
 

• Categoría B: a partir de 15 anos
• Primeiro premio: ‘Arredor de min’, Miguel Bouza Rodríguez. IES Torrente
Ballester
• Segundo premio: ‘A historia do galego con pantín e timpán’. Ainoa Garzón
Mejuto. IESs A Xunqueira I
• Segundo premio: ’Mortalmente galego’. Anaís González Aboy. IES A Xunqueira I

XX Certame de poesía:
• Categoría A: ata 14 anos inclusive
• Primeiro premio: ‘Con alma e sangue galegos’. Alexandre Garrido Roca. IES
Torrente Ballester
• Segundo premio: ‘E se sei?’. Sabela Porto Verísimo. IES A Xunqueira I
 

• Categoría B: a partir de 15 anos
• Primeiro premio: ‘Non quero ser coma ti’. Mario Elías Blanco Boullosa. IES
Torrente Ballester
• Segundo premio: ‘Enleada’. Sara Rodríguez Vence. IES Sánchez Cantón
• Segundo premio: ‘O son da pandeireta’. Clara Fariña Castro. IES A Xunqueira II

XXVIII Certame de narración curta:
• Categoría A: ‘ata 14 anos inclusive
• Primeiro premio: Naceu e morreu sendo galego’. Paula Fariña Martínez. IES
Valle Inclán
• Segundo premio: ‘Unha nova historia’. Ana Uxía Santos. IES Luis Seoane
• Segundo premio: ‘Voltas e revoltas da vida’. Marcia González García. IES
Torrente Ballester
 

• Categoría B: a partir de 15 anos
• Primeiro premio: ‘Un día de chuvieira’. Sofía Filgueira Fómez. IES A Xunqueira II
• Segundo premio: ‘Ninguén’. Andrés Pardo Carballo. IES Torrente Ballester
• Segundo premio: ‘Quen non existe’. Alfredo José Fernández Marques. IES
Sánchez Cantón

PARABÉNS ÁS PREMIADAS!!!

 Para ver as composicións, preme aquí

ENREGUÉIFATE

 Que erga a man quen morra por regueifar!

  Chegou o momento de regueifar, lidar con outras persoas en verso para conseguir chegar ao final da palabra. Atréveste? Tes dotes para disputar dialecticamente e poeticamente? A que esperas! Aclara a gorxa e comeza a batalla!✊ 

Tes até o 28 de maio! Non agardes moito!

Velaquí as bases👇

 

BEN VEÑAS MAIO

 Un ano máis, a coordinadora de Equipos de Normalización e Dinamización da Lingua Galega dos IES e CIFP de Pontevedra convoca o Ben Veñas Maio. Unha convocatoria que reúne diferentes disciplinas: videoclips, curtametraxes, fotografía, banda deseñada, narración curta e poesía. Non é pouco, va que non? Pois entón, anímate e participa nas modalidades que ti consideres. Tes unha boa oportunidade para dar a coñecer a túa valía. Dálle, non agardes máis!! 💪😋

GALIZA POP

 

O 25 de novembro levouse a cabo unha actividade, Galiza Pop, subvencionada polo Concello de Pontevedra, nomeadamente polo Servizo de Normalización Lingüística, que fora reservada xa no curso pasado e que se tiña programado realizar no terceiro trimestre, mais a situación de emerxencia decretada en marzo de 2020 non permitiu a súa celebración, mais púidose desenvolver neste primeiro trimestre do novo curso académico; iso si, seguindo o protocolo Covid estabelecido no centro, coas medidas necesarias en todo momento.

Esta actividade ía ser dirixida por Miguel Silva Conde, o Aquel-e, mais por cuestións laborais foi reemprazado por outro youtubeiro de sona, Mario Brión Toucedo, ou Olaxonmario, quen fixo un breve repaso pola cultura pop galega, tanto actual como histórica. 

Tratábase de conversar entre as persoas asistentes, pondo en valor o entretemento e a cultura pop, dando a coñecer aquela produción que puidese ser de interese para a rapazada: música, youtubeiros e youtubeiras, revistas en liña etc. 

Olaxonmario  puxo sobre a mesa (na pantalla) a voz de Andrés do Barro ou de Ana Kiro, e sorprendentemente para moitas, moi pouco alumnado recoñeceu😓Mario amosoulles novas voces actuais que sorprenderon á rapazada, como Boyanka kostova, Fo Records ou Ezetaerre

Foi o alumnado de 4ºESO quen tivo a oportunidade de coñecer esta Galiza Pop, non só musical, senón tamén youtubeira.