O MANDADO DO MARTES DE DON XUNCÓN22

 E para mañá, Martes 22...

ENTROIDO CO SEÑOR DON XUNCÓN22

 Un ano máis, debido á pandemia, as actividades "festeiras" están paralizadas no noso centro, polo que dende o Equipo de Dinamización botamos unha man para non perder estas tradicións. De aí, que Don Xuncón reapareza no 2022 para darnos mandadiños de como vir vestidiños/as a semana previa ao Entroido. O día anterior, coñeceremos as instrucións. 

  Hoxe, venres, xa vai o primeiro mandado para o luns:

E ademais...!!!!! Un xogo tradicional ponse en marcha: o QUEN É QUEN?. Teredes que descubrir quen se agocha tras a máscara da infancia do profesorado. Houbo profes que se animaron a participar achegando unha foto súa de cando pequechos/as, e disfrazados/as. Cada día desta semana publicaranse unha ou dúas no taboleiro do Don Xuncón22 e no instagram do equipo, e a túa resposta debe ser dada na aplicación de #Instagram (@dinamizaxunqueira2). Alí terás que escribir o nome da profe ou do profe que cres que é. Só unha resposta. Aquela persoa que adiviñe as identidades todas terá un agasallo!!! 

ANÍMATE NESTE ENTROIDO!!!

II CERTAME "DE PUÑO E PINCEL"

Despois dos grandes e artísticos resultados do curso pasado do Concurso "De puño e pincel", volvemos convocalo baixo as mesmas bases: le os versos de Cantares Gallegos e/ou Follas Novas e en canto vexas que versos poderías interpretar mediante a pintura, a arte de debuxar ou deseñar, pon o pincel a remollo e plasma toda a túa vea artística  no papel.

 Este ano, despois de estudos e investigacións, sábese exactamente o ano de nacemento de Rosalía de Castro: o 23 de febreiro. Coa finalidade de conmemorar o seu nacemento levamos a cabo este certame. 

Lembra tamén que a Asociación de Escritores e Escritoras en Lingua Galega nos anima a recordala agasallando a quen máis queremos cun libro e unha flor, neste último caso, se for posíbel, coa flor do pensamento, e a publicar nas vosas redes achegas a Rosalía co cancelo #SementadePensamentos e #_rdc_2022.

Le as bases do concurso e participa!!!! O Departamento de Debuxo do IES A Xunqueira II forma parte colaboradora deste proxecto tan artístico.

 

O Entroido nas portas

 Un ano máis, onde a pandemia continúa presente con restricións, aínda que en menor medida, voltamos a propor o concurso do Entroido nas portas. 

Este ano a temática que se agocha tras a decoración será a actualidade, sempre cun sorriso de troula por tras.

Lede as bases e participade. Lembrade que é por grupos e o gañador terá como recompensa á súa artistada un almorzo saudábel para cada membro da aula.

IMAXINACIÓN AO PODER!!!

 

 

Entrega agasallos Postais

 Esta semana fíxose entrega dos agasallos en galego para as gañadoras do concurso de postais. O profe Ricardo foi o encargado de darlle o seu presente a Lara, de 1ºESO; mentres que a profe Sabela o fixo coa súa alumna, Carla, de 4ºESO.

  Agardamos que vos gusten estes produtos galegos da compañía #Nikis Galiza. PARABÉNS!!!

E aos demais, tan só nos resta dicirvos que vos animedes a participar en todos os vindeiros concursos.

                     

Traballos CantáMOLA

 A raíz da exposición CantáMOLA, alumnos/as de 2ºESO fixeron traballos ao redor de algún grupo musical que alí visualizaron, para achegárnolo e coñecer moito máis sobre el. 

Aquí tedes algúns exemplos:

 

 

Grazas!!

CantaMÓLA en Galego

 

Entre os días 25 de xaneiro e 10 de febreiro, tedes na entrada do noso centro a exposición CantáMOLA en galego, unha exposición transmedia que celebra a revolución musical no século XXI na Galiza. Esta foi elaborada polo Concello de Pontevedra, a través do Servizo de Normalización Lingüística, a quen lle agradecemos o seu empréstimo.

 A través dela podedes coñecer e afondar sobre as nosas músicas ao longo deste tempo, a súa evolución e os distintos grupos e solistas que forman parte do noso panorama musical. Non só temos música de raíz, senón tamén doutros estilos: pop, rock, bravú... Artistas como as Tanxugueiras, Guadi Galego, The Homens, Sés, Terbutalina, Xabier Díaz, Davide Salvado, Dakidarría, Mercedes Peón... poderás escoitalos no Spotify ou na canle de Youtube baixo o nome de CantáMOLA.

  Agardamos que a desfrutedes e vos anime a continuar escoitando a nosa música.